[][§¤° البـــعد لــــوعهـ°¤§][][
][][§¤°^°¤§][][
البعد لوعه وجـرح الحـب مايبـرا
والهم ضيف ثقيـل نـوخ إركابـه
طال السهر والمشاعر ملت المسـرا
والحزن عاود وحيد(ن) فارق أحبابه
في تالي الليـل لاسامـر ولاقمـرا
زهمت وينك ولاأحد(ن) رد لي جابه
متذكر(ن) طلتك والشفـه الحمـراء
وجيد (ن) يعيش السقيم إلى تلوابـه
وردفن تماوج عليه أسود من الغدرا
ونجلن إوساع سهام الحب في أهدابه
قبلت عـذره ومنـي ماقبـل عـذرا
الصاحب اللي خـذا قلبـي وقفابـه
أشريه بالروح لو أمواصلـه يشـرا
لكن بـاب المواصـل مغلقـن بابـه
اتمنى ان تنال اعجابكم
وســـلامــتــكـــم
سعد بن عيران القريني][][§¤°^°¤§][][
التعديل الأخير تم بواسطة سعد القريني ; 02-06-2010 الساعة 07:31 PM
سبب آخر: <<