[poem=font="Traditional Arabic,7,blue,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الفعول الطيبه لو لها برج ودرج= ياقصير الشبر ليتك تعديت ادرجه

الحجج متهالكه يوم تفنيد الحجج=وانكشف لعب المدبلج وزيف الدبلجه

ايتجيبر بالوفا مادرى بانه عرج=والعرج من بين خلق الله يبين عرجه

وده يجيله وهج غير ماجاله وهج=قالوا ان اللي فقد شي ماهو ينتجه

من سبايب جهله يحط نفسه في حرج=معجب(ن) في طبعه ومعجب(ن) في منهجه

والله امحق من طبع وامحق اسلوب ونهج=دايم ابن العنكبوته نسيجه ينسجه

ماني ابمن لايوثق هروجه لاهرج=اعسف حصان الحقايق واتله واسرجه

العرمرم كلما سال فالبيد ودرج=شقق فجوج الفيافي وبين مدرجه

ماني براجي فرج غير من راعي الفرج=الله اللي لاظلم الليل بالنور بلجه

انتهى فصل الروايه وماطول سمج=كل من يسمع حروفي ماودي ازعجه[/poem]