يا راع التكسي المصفور
~*¤ô§ô¤*~*¤ô§ô¤*~ يا راع التـــــكـــــــسي
ياراع التكس المصفور # ياللي في الحارات تدور # من مثلك دايم مستور
لأجل انك تكسب حلال
أوصيك بتقوى مولاك # اللي من ذا الخير أعطاك # رزقك لوماجيته جاك
المكسب مع راس المال
اصلح بوريك والنور # وكفراتك والماطور # واحذر من موقف محذور
يسحبك الونش الجوال
اشغل نفسك بالتسبيح # الله يحفظك من الريح # ولا من بعض التلميح
لأم الخاتم والخلخال
ملي وقتك بإستغفار # تنجوبه من حر النار # وتجيك ارزاقك مدرار
تشبه للغيث الهطال
واحذر من شرب الدخان # لو باعوه اهل الدكان # ما عندك في ذا برهان
إلا إنك تبغا تحتال
وايضا لا تشرب شيشه # يصبح قلبك كالريشه # وتحرمك اكل العيشه
ما تقدر تاكل مثقال
واحذر من صوت الفنان # بالموسيقى والألحان # كان إنك ترجو الديان
في نزولك والترحال
والغيبه لاتقربها # وحسناتك تنهبها # والجنه من يرغبها
مايتبع درب الجهال
الشاعر/ الشيخ سريان بن عبدالله بن علوان الوذيناني العتيبي ~*¤ô§ô¤*~*¤ô§ô¤*~