[poem=font="Simplified Arabic,6,black,bold,normal" bkcolor="white" bkimage="backgrounds/16.gif" border="none,medium,green" type=4 line=0 align=center use=ex num="0,black"]
الراس يطـبـخ شعــر والشــور صيـده = ومن لا أستشار وشار ماهوب فايد
وأنا أسـتـشــيـــر بكل حاجـه مفـيـــده= وأحرص أشدالحرص كود القصايد
لـنـّي لـيـا سويــت أيـــة قصــيـــــــده = أختار فــي عصم البيوت الفـرايـــد
ولانقـّصـت شعـري ولاهـي تزيــــده = أرائهـم مـا بـيـن ناقــص وزايــــــد
الشعـر مع دمـي جـرى فـي وريـــده = يـوم أكـثـر الشعـار مامـن فـوايـــد
همه تبروز صورتــه فالجريـــده = وفي كل يوم"ن" مزعج أهل الجرايـــد
لا شعر لا معنى لافكــره سديـده = ياليت عـصـر"ن" راح للشعــر عايــد
وأنا لا قالوا من يجـيـب الفـريــــده = وأستعصت الفكره على كل صايـد
أنا لـهــا لا قـيـل كل"ن" وفـيــده = أقنص وأجيب النادرات الشرايـــد
يا بو علي عســى سـنـيـنـك مديـــده = تسلــم ولا هانــوا وســاع البنايــــد
شيّك على الموتر حديــدة حـديـــــدة = ونمشي على اللي والي الكون رايد
وانا عن أذنك لا أستوى الخط سيـده = باوصف المبروك وصف المحايـــد
آقــول اللــي صمـمـه تسـلــم إيــــده = صنع الشيـوعـيـة خباث العـقـايــــد
ما يقـتـنـيـه اللي قليل"ن" رصيــــده = مركب شيوخ"ن" مارضـوا بالـزهايــــد
إلـيـا نهــض هــم المسـافة يـبـيــــده = محد"ن" يكـوده لـوتجـي للمكـايــــد
من سرعـتـه كل اللـي بنفس سـيـده = تقــول كـنهـا تنطحــه رون سايــــد
يدنـي عـلـى الماشـي ديــار"ن" بعـيــده = ويبعـد همــوم اللي حدتـه النكـايــــد
كن المـواتـــر كـلـبـوهــا عـبـيــــده = هـيـبـة ملك أمره على الناس سايــد
خمس أمية اس وبه مزايـا"ن" عـديــدة = ياسايـقـه لاهـنـت والعــمـــر بايـــد
زل ابـو سمـره ثـم سلـوى حديـــده = ثـم نصّـه لـفـواز راع العـوايـــــد
يلقاك بالترحيب فـي يـــوم عـيـــده = لـوكـان ماهــو فــي نهـار المعايـــد
عـيـده لـيـا قالـوا ضيــوف"ن" تريـــده = أقـــراب ولا مــن ديــار"ن" بـعــايــــد
تلـقـى الدلال بجـال نار"ن"وقـيــده = والطـيـب وهروج"ن" سمان وقصايــد
وتلقى الشحم وأخذ العلوم الأكيـده = يفــرش لضـيـفـانه كـبـار المـوايــد
مافـيــه شـي"ن" فالمـراجــل يكـيـــده = أبو بـدر في قمه الطـيـب رايــــــد
وحـنــا عـنـيـنـا مـن ديار"ن" بعـيــده = من دار قايــد عـن ثمانـيـن قايــــد
سـلام يادار الـنـبــي والعـقـيــــده = دار"ن" ياسعــد اللـي غـدت له سنايــد
دار الملوك أهل العقول الرشــيــده = دار"ن" مواطـنـهـا يعـيـش برغــايــــد
لجل السهول اهل الصفات الحميده = ماحادنا عن شوف الأجواد حايــــد
ســلام يشـمـلـكـم بـديــده بـديــده = يأهل الفعــول الماضيـات الجدايـــد
إليا أفتخر في كل جد"ن" حـفـيــده = أنتم سهول"ن مجدكـم فـي تـزايــــد
أمجادكـم يأهــل المــواقـف تلـيـده = أنتم حرار"ن" تعـتـلـي كل نـايــد
وأنتـم مهجـدة الجـنـون المريــــده = لاقـيـل نـار الحرب شبّـت وقـايــــد
عـدوكــم ياقــوم مالــه شــريـــده = وقصيركم من جودكـم صارجايــــد
قلته وأكرر فـي كلامـي وأعـيـــده = كل القبايـل نعم عـلـم"ن" وكايـــد
وأنا من أصحاب الفعـول المجيـدة = حـثـيـثـي أحبابـي لقحطـان عـايـــد
في كل يوم"ن" صرح مجد"ن"نشيـده = ولافيه صرح"ن" شاد من غير شايد
والمرجله لأهل المراجـل جهيــده = وترفـع مقـام أصحـابهــا بالتحــايـــد
ماكل رجل"ن" لا أنذكر قيـل مـيــده = والنعــم لـن النعــم بالحـيــل كايـــد
ولاكل من هومات يحسب فـقـيـده = كم عالم"ن" ماتوا ولا هــم فـقـايــــد
والطيب درب"ن" فيه كل"ن"وجـيـده = كــم واحــد"ن" هـازه وهــم وتعايـــد
يفرق وليده بالفـعـل عــن ولـيــده = لاصار في سوق المـراجــل مزايـــد
واللي يبي عيش الحياة السعــيـــده = يكـســب نعــم ولا حـيـاة النـكـايـــد

بطي مسفر الحبابي[/poem]