المشاركة الأصلية كتبت بواسطة محمد بن حامد بن مايقه ياطيب راسك يابو سحمي وانا متابعك ومتابع كتاباتك اللي اتشرف اني ارد عليها واما بخصوص موضوعك فعلى ماقال اسمه سابقه في كل ديره وعلمه انعم واكرم بمناحي بن ذيب بن شفلوت وكل مانروح للديرة نمر على قصره اللي في المضه ونقول : يارب لاتقطع رجـا كـل مضـواح ------ بيت المعالي والشـرف والسماحـه اشكرك يابوسحمي بكل ماتحمل الكلمة من معنى والله يوفقك ويسدد خطاك

ارحب يا أخوي الشيخ محمد بن حامد بن علي بن مايقه الحبابي

أرحب تراحيب المطر

يكفيني شرف وعز ان تكون من متابعي كتاباتي، وبيض الله وجهك ويعطيك العافيه، وتراكم يا رؤوس قحطان مكملين بعض ومجملين العامة من أفراد القبيلة الأم قحطان، وهذا عشمنا فيكم دائما، وندعوا الله يديم التواصل بينكم ولا هي غريبة عليكم (فأنتم شيوخ وآل شفلوت شيوخ) والاحترام والمعزة بينكم ما هي غريبة عليكم ولا جديدة منكم، كما أني سعيد جدا بمرورك علي مشاركتي بهذا الموضوع بالتحديد.
لقد ضربتم مثل رائع في صدق المحبة والمعزة الحشمة بينكم كأسر مشيخة كريمة، لأن تعبيرك الصادق بالأعلى يعكس حقيقة معدنك الطيب والأصيل كشيخ من نسل شيوخ وتفتخر بمن هم في مكانتهم ومنزلتهم بين جماعتهم وقبيلتهم وأوطانهم.

وأخيرا، اقول الله يسامحك لأنك ما خليت لي فرصة او عبارة ارد عليك بها او أعبر فيها بأطيب من كلامك الذرب الذي وجهته لي وتضمنه تعليقك الرائع سالف الذكر (ولكن كما قيل العين ما تعلى على الحاجب)، فأنت شيخ من نسل شيوخ وكل كلمة نسمعها منكم او نقرأها لكم نعيد قرأتها مرات ومرات ونضعها نصب أعيننا دائم ونجعلها نبراس في مجالس المراجل والمعزة والشرف....

أخوكم/ أبو سحمي