حط((((( زينب)))) جنبها تصبح قبيحـه,,,,
صلوا على النبي
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشحيحه
واهني الخلـق دلهـا مستريحـه=والحشا من كثر همه في عذابـي
لاذكر غظ النهد روح(ن) سميحـه=عين باز عكشـت عنـد النهابـي
اتـروى جيـتـه و الله يبيـحـه=وانبرى حالي ومنه الراس شابـي
لا بغيت افصله وواصف مديحـه=آية(ن) فالارض تمشي بالعجابـي
ان تمايل عودها بصيـح صيحـه=تنسمع في كل جـال وكـل نابـي
وان نوت بالغنج تذبح فالنصيحـه=عض ثوبك واحتنـش لالا تهابـي
خير وابرك قبل ما تصبح جريحه=من ضحايا طلته بيـن السحابـي
وان تحاكت صوتها فيه البحيحـه=دندنت عود(ن) خذاني وانتشابـي
لا تسلسل هرجها ترها صريحـه=تقول تقرآ من فصا حتها كتابـي
وان تعلى قدهـا قلـت الفضيحـه=وش ( ديانا) مع (حليمه) يا كذابي
حط( زينب) جنبها تصبح قبيحـه=زين اجمل من وطى فوق الترابي
العطر خالط نسانيـس الصبيحـه=واثرها من خفهـا فالقـاع غابـي
عدها بالصيد فـي قفـرآ نزيحـه=ما تحل الا السهل والا الروابـي
اتفجـر نـزوة الابكـم قريـحـه=وان رآها العـود عـود لشبابـي
اشهد اني عقب عرفـك يالمليحـه=عارف(ن) طعم الحقيقه والسرابي
لو بخير بين ضحضاح(ن) وشيحه=اركن اني ماخذ(ن) درب الصوابي
بس وادري يا عذابي يا شحيحـه=لمتى والحال يطلب لـه جوابـي [/poem]