البارق اللي يلوح وهلت قنوفه = من سبته هاجس الأشعار سراني
سريت بالفكر من ظهران للكوفه = وعودت بالفكر مالكوفه لظهراني
الرجل ليصار ناوي يشكي ظروفه = لا يشكي إلا على خلاق الإنساني
إسأل مجرب حداه الوقت وصدوفه = خانه زمانه وعيا الحظ ما زاني
ياكم من إسم ٍ بقلبي نقشت حروفه = نقشت ولونتها من دم شرياني
واليوم صارت حروف الإسم محذوفه = من عقب ما كنت أميزها بالألواني
بعض العرب والله إن ما أودي أشوفه = لأن شوفته يا عرب للعين نقصاني
وبعض العرب ودي أجيله على شفوفه = حتى ولو راح عن شفي ولا جاني
لو يقنع الرجل في يومه بمصروفه = أصبح عزيز ٍ مابين فلان وفلاني
يقولها اللي سرى بالفكر للكوفه = وعود بفكره من الكوفه لظهراني