سلامsize=6] عليكم ..



قصيده قديمه من الأرشيف


للتواصل ..








يقول من كثرت على قلبه همومه
ولىّ زمان الفعل وجا وقت الأسامي
الحظ خالفني وانا ماأعلم اشقومه!
اسوقها شرقا وهو ايسوقها شامي
ماغير يشبح لي وكني من خصومه
لا قام لي مره ؟ فمرات ماقامي
والرجل كل ماله كبر ؟ كبرت حلومه
ظني بشيّب قبل لا احقق احلامي
عيني بحر وإيدي تبا الغوص والعومه
يالله تفرجّها ولا غيرك احزامي
شفي بشاصٍ غير ماأسطا على سومه
يازفرةٍ بالصدر لا شفته آمامي
زفرات راعي القل ؟ زفرات مكتومه
ياوجد نفسي وجد مرمي من الرامي
والرجل لو يشفق على الشاص ؟ يالوومه
في ذمتي ماحدن على الشاص منلامي
ابغى ليا اركنته ؟ فشيخٍ على قومه
اينومس عيوني بشوفته قدامي
وابغى ليامن قام ؟ فالقومه .. القومه
مثل أقحطاني يفزع لصايح اليامي
واليا نطحته بارد الجو واسمومه؟
من طنخته يمشي ويصفّر وهو حامي
واليا شفقت لوادي البر ورجومه
عز الخوي عزالله ان تسفر ايامي
واليا دعتني اللي على القلب مختومه
اقطع مسافاتي ولانيب منضامي
الا بطاري الشوق والعشق وعلومه ؟
اشتقت لك ياسيدة عشقي السامي
المعذره لا تلحقي قلبي اللومه
ماأبدن نسيتش لكن ألهتني احلامي [/size]