[frame="7 80"]مساكم الله بالخير جميعاً

هذي قصيدة قديمة بدعتها وانا في المستشفى لعارض صحي وطرت لي هذي الابيات


صلوا عى النبي
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علي فراش المرض نكتب دروس وعلم وإستنتاج=نبرهن في معانيها علومٍ ماسة الحاجة
ألا يالله يارب الملا نطلبك في المخراج=تخارج عبدك المؤمن من الدنيا بمخراجة
بدعت القاف من ضيق النفس ومعدل المنهاج=نهجت انهاج من ينهج طريق الحق منهاجة
عرفت ان الرجال اصناف مثل ان البحور أمواج=وعرفت ان لابتي مثل البحر لا صفق أمواجة
بني عمي عضودي محزمي درعي ضياء وسراج=نجومٍ في السماء ماهي تغاب ودوم وهاجة
وحوشٍ في المواقف فزعة إعبيد ودرع وتاج=ليا مني نخيت انخا ولا أحدٍ عقد حجاجة
سهوم الموت في يوم المصامد والله ما يحتاج=وايش اكتب وايش اخلي ما قدرت احصي ولا حاجة
هذا ما هضني بدع القوافي بلسمي وعلاج=علاج الضيم ربعي بعد ربي والله علاجة
كتبت القاف واعدة وانا ماني لحد محتاج=لكن جتني طواريقي من الهاجس ومنتاجة
نهايتها صلاة الله عدد ما في الحرم حجاج=على محمد نبي الله ختم هرجي ومنهاجة[/poem][/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة