المشاركة الأصلية كتبت بواسطة عامر الوهابي

(((من خبرلي بكرةٍ عند العبيدي )))

هذه القصيدة أرسلها إلي زميلي الشاعر / مطلق بن عياش السبيعي

وموضوعها فيها:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
من خبرلي بكرتن عند العبيـدي=له ثلاث شهور مابيـن مددهـا
شاعرن لامن سرد زود رصيدي=بالعميق وكـل جزلـه معتمدهـا
ولانشدني بالقصايد وش جديدي=سقت له زين الفرايد في مهدهـا
يوم جيته بالوصية قـال ميـدي=ازهل الي مايأجل فـي وعدهـا
والثلاث شهور قالت عاد عيدي=قبل ميلاد السنه تنهـي وتدهـا
لاربط مغزاه شـاه بفـك قيـدي=يوم عذرى هاجسي له قد رصدها
أرتبط وعد الوفا ربطي بصيـدي=والظبى راحت تمشى في بلدهـا
فعلته تسوى ديّة مليون زيـدي=ذبح عمد ولالقو بصمة رمدهـا
كان ماتت بكرتي بيهون كيـدي=وكانها ترعى تجاهلنـا نشدهـا
ويارفيدة دوري لي عن رفيـدي=العبيدي حـارم البكـرة رغدهـا

ورديت عليه بهذه القصيدة :

من خبرلي فرصةٍ ترضي عضيدي=صاحبٍ لي والجزايل قد سردها
شاعرٍ له فالذهب عقدٍ فريدي=ينظم القيفان ويثبَت عقدها
يالسبيعي هاضني بعض القصيدي=والمشاعر والله إنْها في جهدها
أفتقد بعض المعاني واستعيدي=وأمسح اللي قلتها قبل أستندها
من زمانٍ شيّب الطفل الوليدي=وأرتفع صوت الثعالب عن أسدها
أشغلتنا بالعنا والمستفيدي=من يصلِّي ركعتينٍ في هجدها
والله إني ماتجاهلت البعيدي=كيف عاد اللي وتدنا معْ وتدها
ماعجزت بجرِّ صوتي والنشيدي=والعذوبة والجزالة معتمدها
والرفيدي من دمٍ وسط الوريدي=كلنا ضد الشياطين ومردها
بكرتك مصيونةٍ عند العبيدي=والأمانة عندنا محدٍ فقدها[/poem]