تصنيف
انا لاهبت هبوب الجنوبي *** افز كني فاقد اللي ضياعه
من هاجس ماهو ظلوم وكذوبي *** يرفع شراع العز ما وطا شراعه
وانا على الطرقه موسط دروبي *** و لا هي تجاهني علوم اللكاعه
دارت بي الدنيا على كل صوبي *** مثل السهم فالقوس عجلن دفاعه
وانا على حدي وقيست ثوبي *** ولا خير في اللي مايسده متاعه
وانا مع النشمي مانفخ ذروبي *** واليا ومرني قلت سمع وطاعه
واما الردي ماني عليه مغصوبي *** ابيه يذلف يقطع الله ذراعه
وانا مع الطيب محسن اسلوبي *** مهما يطول الوقت مده وساعه
اما الردي عنه الجميل محجوبي *** ماني بدور من وراهم طماعه
وانا على المخطي يادوبي ودوبي *** مابي يصير الحبل عجل انقطاعه
ارب يمكن بعد مده يتوبي *** ولا يواجه من يكيله بصاعه
وانا ليا زليت احس بذنوبي *** واطلب من الله يقبل منا الشفاعه
والشعر مثل الحكم وسط الشعوبي *** شعبن بامان وشعب وسطه مجاعه
والشعر مثل البرق وسط النصوبي *** يبرق و يرعد والسفر في شعاعه
والشعر مثل النقد وسط الجيوبي *** يشري به الشاري ويقنا البضاعه
وصلاة ربي عد ذاري الهبوبي *** على رسول الحق سمعن و طاعه
الشاعر / مفلح بن دغش المناديه