أعجبتني القصيدة هاذي وهي تشرح شي فلخاطر .....
وحبيت انقلها لكم.......
قصيدة للشاعر / سعيد ال فارع
اي والله اني من هموم الزمن نفسـي شقيـه
صكات بقعا لها وقعن مثل وقـع المحاديـب
مشتال حملن ثقيل ويهشم اضلـوع المطيـه
والهم ذاليوم ماهو سبـة افـراق الرعابيـب
امشي مع الخلق في صدري مع الكيات كيـه
فقدتلي صاحبن عندي من اخيار الاصاحيب
كم كان بيني وبينـه مـن علاقاتـن قويـه
واليوم لاشافني كني من اطـراف الاجانيـب
يالله عسى ماحصل مني معه ذنـب وخطيـه
لن المواجيب ماذخرها على راعى المواجيـب
مالي جدا غير رجوى الناس في حل القضيـه
لو ان ماعادتي كثـر الرجـاوي والمناديـب
ان شاف زله متين الجنب يصفح عن خويـه
وان كان له مطلب فيطلب وانا رهن المطاليب
ياجعل من بينـي وبينـه نقـل نمـه رديـه
يرمى ببلجيك فرخن لارمت فالمقتل تصيـب
ارجوك ياصاحبي لا تتـرك الصـده مديـه
لاتفرح اهل الفسايل والنمايـم والتخاريـب