حياك الله يابن هايض

والله انت يابن هايض انت ماخليت موضوع "يام طرف فيه" إلا اعترضت عليه وحاولت تشكك في صحة معلوماته بحجج واهية لاتسمن ولاتغني من جوع او علوم وسوالف ليل بلا دليل وتهاويل من نسج الخيال...

ومثل علومك هذه ماعلينا منها ولاهيب تهمنا لأن التاريخ ما احد يقدر يجيره لنفسه. ولأننا نعذرك لأنك لابد ان تتأثر بما في منتدياتكم من قصص تشبه افلام هوليود!!

ومن كثرة اعتراضاتك ماعاد دققنا في ردودك المعتادة، ولايهمنا الرد عليها مادام مالها قيمة ولا فيها خطأ او تطاول على احد.

اما ردك على هذا الموضوع فلابد من الرد عليه لايضاح بعض الامور:

اولا: ذكرت ان الشيخ ابن الشدقاء قتلوه ال شايب غدر!! والكلام هذا ماعاد نستغربه منكم، فانتم كل ماقتل منكم شيخ قلتوا ذبح غدر... غدر... غدر...

والغدر اهله معروفين ، والنقا اهله معروفين ، واللي بيته زجاج مايرمي بيوت الناس بالحجر... وانت تعرف قصدي ، ولا ودنا ننبش القبور ونبعث امور فاتت وماتت مع اهلها، والا كان علمتك بعلوم ماتدري بها ولاتخطر على بالك ولاخير في قول بلا برهان، لكن ماودنا نفتش الماضي ونجرح القبايل. فإن طعت شوري خل الدهما بجلالها ولاتفتح على نفسك باب ماتقدر تسده.

ثانيا: ذكرت انه لايوجد مكان اسمه " الاصياف" في اطراف الربع الخالي...الخ

وهذا يدل على عدم معرفتكم بتفاصيل الحدث ومجرياته... كيف تدعي معرفة تفاصيل المعركة وانت تجهل مكان وقوعها؟

فهناك الاصياف ، وهناك الاصايف.

•الاصياف: تقع بالقرب من المندفن باطراف الربع الخالي وفيها حدثت المعركة المذكورة وقتل الشيخ ابن الشدقاء وغيره ، وقبل ذلك حدث في هذا المكان ايضا معركة بين الهواجر وبين ال العرجا وانتصروا الهواجر.

•الاصايف: تقع في حول وادي (ثار) جهة يدمه ، وهو المكان اللي حصل فيه الصباح من بعض قبايل عبيدة بقيادة ابن شفلوت على قبائل يام وقتل فيه ابن شغاث عقيد ال العرجا

يوم يقول الشاعر ابو جمعة ال سليمان الحرقان:

قد هاضنـي لابـة مـدوا علـى يـام = (ميتين) وطلوعهم (عشريـن) رجالـي

اول ليل علـى (ابـا الطيـر) ممسانـا = من غير بخـس ولكنـه يطـرى لـي

هاثـم قطعنـا بهـا وادي (الاحاميـم) = وادي طويـل يتعـب سيـق الاجمالـي

ثانـي نهـار علـى (سلـوه) مقيلنـا = عــد طـويـل وجـبـاد ومحـالـي

هاثم سندنـا بهـا وادي (ثبـح ثـار) = وادي المهوه ووادي العرب الأجهالـي

هاثم خذينا بهـا مـع جـر (ياسـان) = الوادي المنسجر مـن بيـن الاجبالـي

في اسفل (لصايف) صبحانهم على غر = وقت الضحا بعد ماقـد سـرح المالـي

الى ان قال

نعم (بابن منصور) ماشبره بمقصـور= خلا (ابن شغاث) باعلا القشع متكالي

اضربه بمرهاش فاتقـه ابـن حـواش = كانه لسـان السلـق ماصـاد مقيالـي

ثالثا: يتضح للقارئ الكريم ان ماذكرته انت لايتفق والواقع ولايقبله العقل والمنطق
مثل قول:
والمعروف ان منقع الحمام ارض مكشوفة مثل الكف ، فكيف يباتون في ارض مكشوفة وتتوسط ديرة القوم؟؟؟!!!

وقول

راجعين من السوق ، ومعهم حملة ، وبيدخلون ديرة اعدائهم ، ويباتون فيها ، والحاصل مامعهم إلآ بندق وطلقتين فقط!!!

وقول:

هذي يابن هايض على قولة اهل قطر "ماتوارق"

لو افترضنا ان هناك من طلب المنع فمنطقيا سيكون ابن الشدقاء فهو اللي في حاجة المنع ، ولكن هذا لم يحصل من الطرفين حسب الرواة الثقاة.

ارجال عندنا وعندكم خير ... وشيبانكم يعرفون ال شايب ولايجهلون فعلهم فيهم وكل شي مخبور.

هذي كلها خراميط عارية من الصحة... المنيع يوخذ سلاحه ، ويساق قدام اللي منعه مايكون خلفه ماذكر المشرف القدير الظور.