[poem=font="Simplified Arabic,5,blue,normal,normal" bkcolor="transparent" bkimage="" border="none,4,white" type=1 line=0 align=center use=ex num="0,black"]
ايــــــه ابـــدويـــه ريــحــتـــى بـــــــن وبـــهــــار =هـذا شـرف ماهـو بحقـى خطـيـه
انـــــا ابــدويـــه بــنـــت حـــــرِ مـــــن احـــــرار =فـزعـات ربـعـى بالشـدايـد قـويـه
انــــــا هـــلـــى يــابــنـــت وافـــيــــن لاشـــبــــار = كـانـك جهلـتـى مــن انــا ياغبـيـه
يـاجــاهــلــه مــاتــغـــذى الــشــمـــس لانــــــــوار =حنا كما شمس على الارض ضيه
حــنـــا هــــــل الـــطـــولات هــيــبــه ومـــقـــدار = حنا مثل لاهـل الشـرف والحميـه
حـــنـــا الـطـنــايــا لــلــكــرم رمــــــز وشـــعـــار =حـنــا خـــويٍ مـايـخـلـي خــويــه
الــذيــب يــــوم انــــه عــــوا وســــط الاســحـــار = عشـوه ربعـى مــن سنـيـنٍ مـديـه
يــــــوم ان جــــــدك وثــــــق الــقــفــل بـــالـــدار = بيت الشعر مفتوح صبح وعشيـه
لــلــضــيــف ريــــــــفٍ لـلـمــعــاديــن جــــبــــار = نـرد الحـيـاض ولانـهـاب المنـيـه
يـابـنــت لــــو بـكـتــب مــــن اشــعــار واشــعــار = تعجـز معانـى بالحـروفـى ابجـديـه
الـلــعــب خـــلـــى الــلــعــب لــعــيــال شـــطـــار = لاتدخلـيـن السـيـل وانـتــى نـديــه[/poem]

__________________