[poem=font="Simplified Arabic,6,black,normal,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
الشعر والنثـر والقيفـان وفنـون الخطابـة=والخواطـر والحكايـا والحـروف الأبجديـة
والهوا والوقت والأنسـام والسيـف ونصابـه=والمشاعر والاحاسيـس النظيفـة والطريـة
والغصون الخضر والأنغام وسلـوك الرّبابـة=والوفا والصّـدق والتّبجيـل وآيـات التحيـة
والبحر والغيم والأمطـار وسيـول الشعابـة=والنّجـوم السّبعيّـة والـرّيـاح الموسمـيّـة
في غيابك يا طويل العمـر صايبهـا الكئابـة=وفي حضورك رحّبت ترحيب طيب ومقدريّـة
مرحبا ترحيبة اللي عـاد رشـده وصوابـه=بعد ما شافك يا رمز الخير واليمنـى النّديـة
والله ان تعجز حروف الشعر وأقـلام الكتابـة=ما تعبّر ما تخالج في ضميـري لـو شويّـة
ايه يا عضد المليك اللّي قـدر ربّـي جنابـه=ما تشوف الباس يا سلطان وأجر وطيب نيّـه
جعل من زف البشاره للوطـن يعلـى ثوابـه=وجعل ما جا سيّدي تمحيص ذنب ومحو سيّـه
انت نسل اللي تعرف الأرض وش مغزا ركابه=وانت سلطان المراجـل والمكـارم والحميّـة
مدّتك تمحى التّعاسـة والفقـر وتصـكّ بابـه=وبسمتك تبعث على روح البئيـس المعنويّـة
سيّدي وابشر بنا لا دقّـت طبـول الحرابـة=نثنـي دون الوطـن بسيوفـنـا والبندقـيّـة
من حربنا والله ان تضيق بـه حتّـى ثيابـه=لين من غبنه يشوف الرّجل في صورة سريّه
واعذاب اللي بغا الحـدّ الجنوبـي واعذابـه=اشهد انه ما لقى الا المـوت وكفـوف قويّـه
ما يزعزع دارنـا جاهـل مشكّلّـه عصابـه=ثكلت امّه من نـوا حـدّ السّعـودي بالأذيّـة
وآهل الاعلام لو ظفـروا بشـيّ مـا يجابـه=واشغلونـا بالتّطـوّر والـرّؤوس النّـوويّـة
اعتزينـا بالّـذي فضّـل محمّـد والصحابـة=ثم عنّزنا علـى روس الرّجـال الصّيرميّـة
والله ان ننزل على الميـدان منـزال الذّيابـة=مالنـا الاّ الحسنييـن امّـا هـذي ولاّ هذيّـه
كل شبر مـن وطنّـا بالدّمـى نفـدا ترابـه=وكل شعر مـا كتـب فالـدّار مالـه قابليّـه
يا ولاة أمورنـا ياهـل المواقـف والصلابـة=الولا ما ينزعه مـن روحنـا غيـر المنيّـة
عشت يا عبدالله الحاكـم لنـا عـزوة ولابـه=عشت للشّعب السّعودي والشّعـوب اليعربيّـة
وعاش سلطان المراجل والمكـارم والمهابـه=وعاش درعك فاللّقا نايـف وزيـر الدّاخليّـة [/poem]

.
.
.
.

وسلامتكم