رد : طلب بسيط
ابشر بالخير ياعجب من نزل منتدانا عطيناه مطلوبه ووجد عندنا مبتغاه
هذي القصيده للشاعر مهدي بن عشيمان الحبابي
وهو الشاعر الكبير الذي كان يسمع به الشاعر حمد هادي المسردي رحمه الله وهو في الامارات وارسل على مهدي بن عشيمان وهو بالكويت بقصيدة الطياره المعجزه والشاعر مهدي له صولات وجولات مع شعراء الخليج وحقيقه ابو عايض من يجلس معه لايمل سوالفه وقصائده الرائعه...
ندعكم مع احدى قصائده
ودي ولكـن كيـف تحقيـق ودي
عيّا زماني لايجي لي على الكيف
لقيت من وقتـي عنـاد وتحـدي
يمرني عمري مثل عابر الطيـف
يامـا تمنيـت الدقايـق تهـدي
وياما تمنيت الشتا ينقلب صيـف
ظلم الليالي مع نصيـب متـردي
تجمعوا واصبحت أنا عندهم ضيف
غديت تايه دمعتـي فـوق خـدي
دمعة يتيم ملوعتـه الصواديـف
فصلت من خام الشقا ثوب قـدي
كسيت نفسي بالعنا والتحاسيـف
لقيت من حبيـت عنـي يصـدي
والسالفه طالت وراحت سواليـف
قلبي ومحبوبي مع الوقت ضـدي
يهون قلبي عند صـد المواليـف
يانفس لايـام الجفـاف استعـدي
موتي قهر والا على ضربة السيف
__________________
