لاتشتكي من جور الأيام للناس
وأدفن همومك في ثرى الصمت كله

أسرار عمرك خلها تحت الأنفاس
لاصار هراج القفا فاطن (ن) له

هذاك يفرح لالمس جرح الأحساس
وهذا مناه لالقا فيك عله

جـو الربيـع بعـجـة الصـيـف ينـحـاس
لاجت هروج(ن) ما تجي فـي محلـه


داعب هموم الليل لا هب نسنـاس
وعطها الخبر من قلب خل(ن) لخلّـه

قلّـه حبيبـك مـا وطـى قلبـه الـيـاس
حتـى عذابـك بالـهـوى جـايـز(ن) لــه

تعيش بالوجدان ماعاش هالراس
لولاك قلي وش انا عايش(ن) له

إن زانت الأيام ياشوق لاباس
والاصبرنا لين ربك يحله



(خالد الفيصل)