من ابداعات الشاعر الكبير /سلطان الهاجري

أهداء للجميع ...


[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
واهني الصخرة اللِّي ما يحرقها السموم = الزمان اللِّي يهد العزم ماهدّها

الزمان اللِّي تحدى قويين العزوم =لين مشّاها على ود ما هو ودها

والمجامل بعض الأحيان ما يقضي لزوم = لابو النفس الضعيفة ولا بوجدها

مير تجبرنا العوايد وتجبرنا السلوم = نكتم الأسرار يا لين تاصل حدها

الردي لا طاح جعله يطيح ولا يقوم =باح سده والنشاما ما باحت سدها

كل ما كبرت وضاقت على عيال الرخوم = نحتزم لأكبر مصيبه وناطا خدها

جعل قسمي عند ربي من خيار القسوم = واحدٍ يعطي العطايا ولا يرتدها

يا عيال آدم وحوا تراها ما تدوم = دورة الأيام لابدها لابدها

يا وليد البط وشلون ما تقدر تعوم = وانت ابوك يعوم جزر البحور مدها

وانت يا حلمٍ حلمته ما هو مثل الحلوم = يا ضحية مزح الأحلام مدري جدها

أدري إن فالناس معطى وفالناس محروم = إيه يا بيض النوايا ويا مسودها

ويا ضميري لا يهمك من الدنيا هموم = الصعيبة حلها والبسيطة عدها

جات في سد الشوارب وفي سد الخشوم = كبّر الضيفه وعش الضيوف وغدها

والمراجل ما توفى بضافيه الهدوم = كود بسيوفٍ يشوق النواظر حدها

والردي لو درس المرجله في كل يوم = المراجل عند أهلها يذعذع ندها

يعتبر قسمه مثل قسم زاهية الرقوم = يوم تكحل رمشها والقرون تكدها

ما كسبت إلا رضا أهل النمايم والعلوم = يا رسول الحكي هات العلوم وودّها

الصفوف اثنين هذا دفاع وذا هجوم = وانت أظنك لأنت معها ولا إنت بضدها

شرهة الطيب تعداك للغوج العزوم = وأنت صلفات المشاريه ما إنت بقدها[/poem]