"بس البلا من ضيع الله دليله"
الوقت محسوبٍ على كـل مخلـوق
والعمر يمضي بيـن يـومٍ وليلـه
صحيح قالوا كل مطـرود ملحـوق
بس البـلا مـن ضيّـع الله دليلـه
الناس مثل بضاعةٍ داخـل السـوق
والموت تاجـر كـل شـيً يشيلـه
وبين الخلايق للخلايق بـه فـروق
والفـرق عنـد الله لتابـع سبيلـه
بعض البشر مايعرف الكذب والبوق
أحساس صادق والمشاعـر نبيلـه
وبعض الآوادم لا مبادي ولا حقوق
اهل النمايـم والنفـوس الرذيلـه
ياكم قلبٍ من عنا الحـب محـروق
راحـت حياتـه بالوهـم عزتيلـه
وانا عزاي بقمة المجد مـن فـوق
على المعـزه والعلـوم الفضيلـه
ماضاع عمري بين عاشق ومعشوق
وترجيع عشـره فايتـه مستحيلـه
أسمى المبادي داخلي دم وعـروق
وقمة شموخي بارقٍ قمـت أخيلـه
واصدق حروفي جاوزت كل منطوق
مضمونهـا ينعـي قلـوبٍ قتيلـه
وقلبي على تلويع الايـام مسبـوق
فقـدت بالعمـر الليـال الجميلـه
شلت المآسي واسود الحزن برفوق
وعزي لمن شح الزمـان بخليلـه
للمآرين من هنا جنائن ورد وشكر
__________________
أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!