بسم الله الرحمن الرحيم
السلام عليكم ورحمة الله وبركاته
هذه القصيده للشاعر المتألق مشبب بن عشق بن فهم ال عبدان ال عاطف وحبيت اطرحها هنا بأسمي
يقول الشاعر مشبب بن عشق في أحد قصائده مفتخراً
بأبناء قبيلته ال عاطف



حنا المطنخ حن سعوط المجانين=ندك الارض اليا اعتلينا العبيات
صغيرنا ينطح من القوم تسعين = وكبيرنا تشهد لفعله حكومات




الى ان قال


وحنا لبومتعب جيوشٍٍ موالين=برواحنا نفديه من وين ماجات
واصل مسيرتنا وحنا المطيعين=دون الوطن حنا الرجال المسمات



وبعد موقف الشاب محمد بن مران بن هادي ال عبدان ال عاطف في الجنوب هاضت قريحة شاعرنا المتألق وقال هذه الابيات وكأنها أستشهاد
لماذكر في الابيات السابقه فقال:



قد قلتها واليوم زادت براهين=تشهد على فعل ال عاطف حكومات
هذا ولد مران وسط الميادين=يضرب على الكايد نهار المهمات
في خدمة أوطانه ومن قبلها الدين=جدد ولانا في العصور القديمات
لاباس ياصقرٍ كفخ بالجناحين=تشهد لك جبال الجنوب المنيفات
جملت من مثلك وكل القحاطين=وجملت عاطف وآل عبدان بالذات
أنت المحدد والمردد بصوبين=خذيت من هذا وهذا علامات
الخال أخو فرزه كعام المعادين=زبن الونيه يرتكي للثقيلات
وابوك رمز الجود طلق الحجاجين=والجد هادي ماتوفيه الأبيات

__________________