[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="double,medium,gray" type=1 line=0 align=center use=ex num="0,black"]
لاقلت كني سليت ونفسـي أرتاحـت=من جور الأيـام ولا طـاري الفرقـا
قامت تهيضني الورقـا ليـا ناحـت=الله بالخيـر لايـجـزاك يالـورقـا
حتى دموعي للرض من السما طاحت=ومحاجر اعيوني من أسبابها غرقـا
مخبلك ياللي تقول اهمومي انزاحـت=ماذقت هم(ن) على قلب الشقا عرقـا
كم فرصـة(ن) اتحراهـا ولا تاحـت=ولا تجي عجلة(ن) كلمحـة البرقـا
الثانيـة تنقـص الأعمـار لاراحـت=والوقت يسرق آمال الآدمـي سرقـا
سود الليالي لنـا باسرارهـا باحـت=والغرب همه يدمّـر ثـروة الشرقـا
وحنا نخايل بروق الوسـم لا لاحـت=ومن سلم المجد طحنا وغيرنا يرقـا
وجيوش حب الطمع لقلوبنا اجتاحت=استأسرتنا بـدون اسـلاح بالدرقـا
لو الندا للجبال الصـم كـان آحـت=صرخة فقير(ن) تعذَّب وانحرق حرقا
طال المدى والصبر واسدودنا انباحت=وموت اليمامة من أجل عيونها الزرقا [/poem]

__________________