رد : من لابةٍ يوم الملاقى سلاطين=عاداتها راس المعادي تجزه
اولا أقط شماغي لعيونك يالشششمري ياولد عمي ارحب العين فراشش والقلب غطاااااااااااااااء
وثانياا يامرحبا فيك بين اخوانك
وثالثا . لو أنها مقابل رجال لرجال ××× ما أخسر وأنا ربعي سناعيس حايل
يامرحبا فيك ياولد العم وصح للسسسان عبدالله الشاعر القرم عز الله انه شششاعر وكفوووو
والقحاطين يسسستاهلون اكثر من كذااا بعد يسسستاهلون والله الروح
ابزهم العماج شيـخ القحاطيـن
ومنهو زهم ل الشيخ يِبشر بعـزه
من لابةٍ يوم الملاقـى سلاطيـن
عاداتهـا راس المعـادي تجـزه
تاريخكم ياشيخ فـوق الموازيـن
فوق الكواكـب دايـمٍ كـل حـزه
منكم ذعار الخيل يـوم الأكاويـن
ذيب الذي يثّـر بالاخصـام هـزه
ومنكم ابن لبده راع الموقف الزين
يوم الحرم سجـل فعـولٍ تعـزه
تاريخكم ياشيـخ يبقـى دواويـن
حصنٍ تنومس باللزز مـن يلـزه
قلته وانا من لابةٍ توفـي الديـن
شمر مطوعـة العـدو لستفـزه
ابي منكّ ياشيخ فزعـة قحاطيـن
مهي فزعـة واحـدٍ فيـه كـزه
الي ليا منه زهِم خاطـره شيـن
وقت الرخى دايم لنفسـه يـرزه
الي بقي من خدمتي بس عاميـن
وتسعه وعشرينٍ قضت بالمعـزه
ابيك تفـزع ياحصـان المياديـن
تحدث لنا رقـمٍ لـو انـه بغـزه
وختامها مني بـوردٍ وياسميـن
عداد منهـو شـب نـاره وقـزه
لاهنت ياغازي بارك الله فيك يالبناخي
التعديل الأخير تم بواسطة ناصر.الخبر ; 24-12-2009 الساعة 04:02 AM