60"]حلوة مرة
ذكرتني يا أبو عصام بموقف حصل لي مع خالد الفيصل
في الطيارة وكان ذلك قبل 13 سنة كانت رحلتي من الرياض
إلى أبها وزي ماتعرف مالي شهر من يوم تزوجت وزوجتي
معلمة في الديره قلت نروح نسلم عليهم وبالعادة دائما أتأخر
في الركوب في الطيارة علشان ألقاها مكيفة جاهزة تعرفون
ولد نعمة ههههههه،،، المهم عند دخولي الطيارة لمحت ناس
جايين من بعيد في يديهم بشوت ما اهتميت لهم ومشيت في طريقي
وعند دخولي الممر { السيب } سقطت مني الشنتاية وطاحت الهدايا
حوسة من جد قمت ولميت الأغراض وفجأة إذا بشخص
يدفعني جاني من جنب فالتفت إلا خالد الفيصل قدامي والله تقول عيون
صقر وأنفه تقول سيف المهم ماني مصدق ودائماً مواقفي كثيرة قمت
وقلت له {كيف عمرك طال عمرك} من الفجيعة ضحكوا من
جد و استغربت أنهم ضحكوا قلت الأمير خالد يضحك وبعدها خلصت
ومشيت ورآهم عاد مكشخ ومحلق في العليـاء بــ 200ريال طالع
كشخه هههههههههه،، مصدق المهم جيت عند مد خل الطيارة قال
المضيف تفضل هنا وأخذ الورقة مني ولا ركز فيها طبعاً كان ذلك
زمان قبل الإرهاب جلست في الدرجة الأولى ما شاء الله كرسي
يا الله أقدر انزل منه تحركنا شوي وبدأ المضيف يقول نرجو من
فلان الفلاني التوجه إلى 33ج قلت يا ولد يقصدوني خلهم لأبوهم
جلس بجنبي شايب رجل أعمال واضح من اللبس عليه وكان محترم وكان
خالد الفيصل على يساري قدام في الأول وخمسة من مرافقيه متوزعين بيننا
قلت لرجل الأعمال ياخي عندي مشكله قال إيش مشكلتك قلت
ودي أستغل الفرصة مادام إني في الجو وأكلمة علشان زوجتي قال والله مدري
أخاف يصير لك شيء جلست في حيرة من أمري أكلمة ولا ما أكلمة قلت يرزقنا
الله بلاش لا يسطرني كف وصلنا أبها وعند النزول كان الأول خالد الفيصل وبعده
مرافقيه ثم نزلنا هم اتجهوا يسار وأنا أنطلق مثل البرق يمين خفت لا يلحقوني
ويطالبوني بقيمة الدرجة الأولى هههههههه
هذا موقفي بكل صراحة ويمكن أبو محمد يعرف ذلك[/frame]