هذا قليل من كثير في حق الأم {{ فداها روحي وقلبي }}


[poem=font="Simplified Arabic,6,limegreen,normal,normal" bkcolor="transparent" bkimage="backgrounds/37.gif" border="double,5,teal" type=1 line=0 align=center use=ex num="0,black"]
[]{}ــ { حب الأم غير }ــ{}[]

ميّته من الجوع نهديها درير = ون يقل الدر قامت حايمه

تقلب الدنيا على لقمة فطير = ساهره والناس تهنى نايمه

تمضغ اللقمه وتكلها الصغير = ناسيه متناسيه إنها صايمه

ولا بكى ما هنيها نوم السرير = ضجّت من النوم مثل الهايمه

دمعها لا مرض تسمع له خرير = وصدرها فيه الخشارف قايمه

لو تغيّب ليلها هم وزفير = ولو سرقها النوم فزّت حالمه

ولو بكى بطراف حارتها غرير = قالت إبني صار عنده شايمه

من تناسى حبها ميّت ضمير = ميّت قلبه ونفسه ظالمه

ومن تناسى حبها جعله كسير = جعل عينه في المواجع عايمه

مهما كان الحب حب الأم غير = حبها بلسم وصحه دايمه

الله يجزيك ياأمي الف خير = وجعل ضيمك لي وتبقي سالمه

الطائر الهايم الحزين[/poem]

وهذا أخي الحبيب كبرياء الصمت يأبى أن تمر عليه مر الكرام فيرد بهذه الدره
[poem=font="Traditional Arabic,6,red,normal,normal" bkcolor="black" bkimage="" border="groove,4,red" type=2 line=0 align=center use=ex num="0,black"]
سيّدي جيتك وفي قلبي هدير=واحمل اجواءٍ بقلي غايمه
غيمها جزءي..ركامي..له خرير=ناطقٍ بازهى الحروف الهايمه
في قوافي شاعرٍ جزلٍ غزير=من فحول الشعر..باعلى القايمه
طير هايم..والحزن مثل الغدير=شق في جوفك شعابٍ صايمه
لكن اندى من عسل يغشى حرير=قافك اللي تكتبه وتلايمه
أعجبتني قافيه في الأم..غير=قمت اصحّي كل فكره نايمه
لكن اعذر قل خبرة هالغرير=كبرياءٍ ترتعش قوايمه
سيّدي للأم عندي ما ينير=الفضاء من الغلاة الدايمه
أم..يعني دفء..يعني وش يضير..؟=لو يصير الكون ثلجه عايمه..؟
أم..يعني حب ماله حد اخير=حب أمّي غايةٍ لي رايمه
سيّدي للأم عندي كل خير=عن أذى أمّي لساني شايمه[/poem]

لله درك يا كبرياء الصمت

__________________