يسعد مساكم بكل خير هذي كتبتها في المرجله
الله يجعلنا وياكم من يجمله الله بها
قصيــده رقم (45) بعنــوان ( المرجله)
بسم الله الرحمن الرحيم
وش بكرة ِمن غيرخف وريش وتروم الطوال
فـي البـاديه والحاضـره تزمي بروس طـوالها
تشلــع مـثل شــلع البـروق بمــدلهمات الخــيال
ويشـــوش مـــن براقها راس الفتــى وخـــيالها
مـن شـاقته يـبرك علـى الركبـه ويـرواها زلال
ومــن هابـته يبطـي وهـــو يحلــم بحلو زلالها
احـد ِ لقاها فــي الجنــوب وسـاقها ليـن الشمـال
واحـد ِ زرق رمحه حسب عرفه وطاح شمالها
واحد ِ خـطمها بالرسـن ورهالها روس الحبال
واحـد ِعقــب مالوحــتبه فـــك روس حــبالها
واحـد ِ تــبناها وقال الفـــال يتـــلاه العقـــــــال
واحــد ِعلـــى روس الحـزوم السود فك عـقالها
ابسـط مواريها الشنه والهيـل فـي وســط الدلال
لافوحــت جــل المواقـــــف هــيلها فـي دلالها
ماهيب سلعة حضرمي ويجيبها في السوق مال
لوغـــرت الرديـان ثــروتها وكثـــر امـــوالها
ما يـردي عــزوم المهار إلا مطاليــق الرجـال
وأن كشرت شهب المصايب فـي وجيه إرجالها
المرجـله ماهيــب للطرقــي مـــثل فـية ظـــلال
ومـن هـازها ولا بغـاها ينســدح فــي ظــلالها
الشاعر عبدالعزيزمحمد الشلوه القحطاني