رد : الحد الجنوبي : مهههههههههههههههههههم
اقتباس:
المشاركة الأصلية كتبت بواسطة بن حيان التهامي
السلام عليكم
هذي قصيدة بمناسبة الاحداث الاخيرة الحرب على الحوثيين
الـحــــد الجنوبي
سلام الله على الحد الجنوبي
عدد ما لاح براق وهبوبي
بها مربى الخوال وبعض ناسي
غلاها بالحشى سكر يذوبي
خسا من قال يا طا في حماها
يجي من دونها عسر وكروبي
شبيهة خفرةٍ ضافي غطاها
سترها قرمها اللي ما يهوبي
أبو متعب جدع بشته عليها
هبيل اللي يبي ينزعك ثوبي
كساها الزين حلة فوق حلة
وجت من حسنها غيا عجوبي
مفاتنها حلال لمن سكنها
حرام ما يدنسها الغروبي
خسا الحوثي ومن خلفه يمده
يعوث بعرضها الغر الكذوبي
ألا يا مدعي وصلاً بليلى
ترى ليلى عن أمثالك تتوبي
متى يا الجحش تطمع بالأصايل
ترى منته لها ند وخطوبي
تحارب بالوكالة عن أعاجم
وناسٍ تدعي أنه عروبي
ألا يا حيةٍ كبرت وطالت
زُعاف السم في نابه يذوبي
لها قرنين من طهران مدت
وباضت بارض لبنان الجنوبي
تدحرج بيضها لحدود صعده
وفقس فتنة الحوثي الغضوبي
روافض مالهم بالدين حاجة
عن الملة كما شمس الغروبي
ألا يا كبر جرأتهم علينا
يضنونا من الهيجاء رهوبي
خدعهم حلمنا والصفح دايم
نسو إنا كماةٍ بالحروبي
ألا يا لفارسي في قم تقمقم
تذكر يوم ذي قار المهوبي
تذكر خالد المسلول سيفه
خذاكم عقب عزتكم سلوبي
إذا صعده على الحوثي رخيصة
علينا عز جيزانٍ وجوبي
نموت بظلها وتعيش حرة
ولا شبرٍ يهون من الجنوبي
حنايا ضلوعنا درعٍ عليها
ودم الروح ليديها خضوبي
جبل دخان له باسمه نصيبي
على الحوثي غدا نارٍ لهوبي
رجال الجيش ورجال السواحل
معا رجال السما سوو عجوبي
صقور الجو تقبسهم شهابه
وأسود الأرض خلوهم حطوبي
غدوا ما بين نارينٍ وعافوا
مطامعهم ولدوا للهروبي
عقب ذاك الزئير اللي بدوبه
غدوا مثل الكلاب اللي تلوبي
غدا المرشد عليهم مثل بقعا
عليهم ما صدق ضنه كذوبي
وابختم بالصلاة وبا السلامي
على المبعوث من أصلٍ عروبي
وعلى الأصحاب والآل الكرامي
عدد ما كيل من بذر وحبوبي
هذه القصيدة بقلم // الشاعر: محمد الشريعبي
================================
تكفون يا صبيان قحطان نبغى المجاراة
|
أخوي محمد صح الله لسانك قصيدة جزله والوطن يستحق وكافة منسوبي القوات المسلحة قلوبناوالرواحنا معهم
الف شكر يابن حيان بيض الله وجهك ,,,,,,,,,
__________________
أنت خير من يقييم هذا العمل على هذا الرابط :