هههههههههههههههههه

ابوعصام وش التعليق

وين تصريح وزير الصحة ؟

اخخخخخخ

=========================

صدقني انا نصحتهم وقمت بالواجب

الواحد منهم شغل البوكلين وقام يحفر

وانا صراحه عقب اللي جاني بعترف لزملائي حتى لا يغرر به من قبل ابوريان وشلته

تعرف انا صغير سن وقامو بالتغرير بي انهم بياكلون ملوخية بس !

فصدقتهم بحسن نية

صدقني ما كنت متوقع اللي بيسوون

الله يسامحهم

هذي خيانة بلد !!

المهم

اجتمعنا عند ابوريان

وجائنا الله يهدية بالقهوة والشاهي

والتمر انواع

تصدق انه جاب سكري وانا مدري ونبوت سيف

فقمنا بشفطها وبعدها قرمشنا الفصفص على الشاهي الاخضر

وهذا بالذات شربونيه غصب

مع انه مهوب لنا ولا جدانا

ويوم دخت وعورني راسي

طلع معي كاجو في مخباي وكملنا الناقص ولعبنا فيه مع التمر وهذا الاخير نسيناه مع القهوة

المهم وش لك في طول الكلام

قمنا على العشاء

على اساس انه ملوخية فقط

ولكن يوم دخلنا صالة الطعام وطبعاً غصب عني !!

شفنا الكارثة فكانت خلطة ملوخية وعصيدة ولبن وفصفص وكاجو وتمر وسمن وعسل واللي ما تدري به

لحيمة حاشي والمصيبة ان صغير

فقمنا طبعاً بالتغرير بي

بخلط العريكة مع الملوخية والفصفص والسمن وخلط العسل مع اللبن والكاجو كلن على حده

فتوقعت ان الموضوع انتهى

فقال ابوريان لا

الآن

اخلوطوها نفداكم

ولا كنت مصدق

لين شفت ابوحسن يخلط بيده ويلقم منصور العبدالله عصب عنه

وابوريان يعجن مثل الكور ويحذف علينا حذف

وطبعاً اذا ما تاكلها يفقع عينك بالثانية

وانتو عارفين اني ضعيف في مثل هذه الامور

وصغير سن ما اعرف عواقب ذالامور

ويوم خلصنا اللقم

قام ابوريان بدون شعور

يصب عسل مع سمن ولبن في كيسان ويدور بها على الشباب

وتعال جغم

واذا ما جغمت

صاح عليك !!

اجغم

لدرجة ان بعض الشباب عندنا قام يحقن في حلوقهم بالمحقان !!

وهم بصراحة ودهم انا فقط كان مغرر بي

ولا اعرف ذالحركات

وقدام الجهات المسؤلة قدمت كل اعترافاتي

وادلية بشهادتي

بأن

ابوريان رجل

يملك سلاح في امتلاك القلوب
ورحابه عجيبة وسعة صدر وابتسامة جميله
فعنده تحس بانه ضيف وانت صاحب بيت
وعنده تجد الذوق وبمجالسته تروق
وسيقدم لك بكل تواضع ما بين يديه
وسيجود بأفضل الجود ومن احسن الموجود
والحقيقة تقال بانني افضل من اكل عنده ملوخية
في الارض قاطبة ابوريان فقط والآن جاء مع الموخية عيش وغيره
بارك الله فيه وفي ابناءه وفي ام عياله والله يصلحهم اجمعين
ويكفيهم شر من فيه شر ويسعدهم ويغنيهم
================================

لاهنت يابوعصام

على ذوقك الرفيع في مواضيعك الرائعه والتي تضفي على الشبكة شئ من الوناسه

فتقبل تحياتي

===============

فيه شباب لم نذكرهم

حتى نتأكد انهم حيين !!! بعد هذه الخلطة

ههههههه

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))