مساجله شعريه
--------------------------------------------------------------------------------
[fr[frame="1 70]
[frame="6 60"]هذه الابيات موجهه للشاعر / فالح نوار السبيعي
سلام ياكاسب جميع المزايا ..... كل الصفات النادرات الجزيله
نسل الشيوخ اللي تقود السرايا ...... واحد لحاله كنه أطلق قبيله
يافالح انتو من دهات الدهايا ..... اهل الكرم والجود واهل الفضيله
ربعك سبيع اهل الوفاء والحمايا ..... واهل الشعر واهل الهروج الدليله
انتو هل التقوى نظاف النوايا ..... وانتو هل البل والخيول الاصيله
تاريخكم يشهد وكل البرايا ..... تشهد وتاريخ الكفؤ ماتزيله
معرفتي بك من اكبار العطايا ..... واقهر بها كل الكبود الغليله
واختامها بالود وارقى التحايا ..... وهذا زميل(ن) مبطي(ن) من زميله
وهذا رد الشاعر فالح بن نوارالسبيعي
يامرحبا ترحيب يرو الضمايا ..... يامرحبا واعداد وبل المخيله
ياصلب قوم(ن) في المواقف طنايا ..... نسل الرجال معدلة كل ميله
ياللي فعولك طيبات(ن) نقايا ..... ترسي مثل مرسى الجبال الثقيله
الطيب ساسك من عصور المطايا ..... وربعك هل الطولات واهل الجميله
عزوة فخر لاجت حمايا جمايا ..... قحطان لاجاء الزند راس الفتيله
ارجالهم في الغزو مثل السرايا ..... عدوهم يمسي ويصبح بويله
يوم العرب فيهم حفات(ن) عرايا ..... اغناهم الله في السنين الطويله
ياجعل يفداهم قليل الحلايا ...... رجالهم يوفي على أية وسيله
وسلامتكم [/frame][/frame][/frame]
__________________
حمد بن مسفر الحبابي
hmh99956@hotmail.com