اقدم لكم رائعه للشاعر النضم والمحاوره الشاعر عبدالله الزهيري
ساعه الانفراجي
ياليل ما الومك لو اهمومك افواج
متعود(ن) اشعل بهمك سراجي
ليل مهاجيعه كوابيس وازعاج
وان بان نور الصبح زاد انزعاجي
كني سجين حلم في يوم الافراج
ومن الفرح دمعه على الخد ساجي
ولا صحى الا دونه القفل وسياج
والسيف يرقب ساعه الانفراجي
والا كما ظامي ورد عد هداج
طمع بقراح ولا لقى الا هماجي
سبة هنوف شوفها كنه اعلاج
يشفي جروح اللي على الود راجي
يابنت انا قلبي على القرب محتاج
وطبع القطيعه ما دخل في مزاجي
من عام شيد في براح ارضي ابراج
ولا سكن فيها و لو كان لاجي
اثر الهجر عج ليا ثار عجاج
واثر الوصل عالقلب مثل المحاجي
اخوكم 000000000خادم والديه العبدي