رد : أل سعد الجحادر + آل سعد سنحان+آل سعد يام هاااااااااااام
سيطرت على سما العقل واسعـة الخيـال
صرت كلـي فـي سماهـا خيـال تطلقـه
سحرها بين الاصابع مـع العـذب الـزلال
دستـه بعـروق قلب(ن)..بخفه..تسـرقـه
ذاب فيها.. ذاب في الشمس في حل الزوال
من يقـرب مـن سناهـا ثوانـي تحرقـه
كـان عيـدي يـوم نادت-لفكري-للنـزال
وامتطى فكري عسيف(ن) وطارت..تسبقـه
ما حسبت احساب فكر(ن)يروض للجمـال
قادني فـي يـوم عيـدي لحبـل المشنقـه
فكرها في الارض شي(ن)يزلـزل للجبـال
وفي السما براق يخطف خيالي ..يصعقـه
في فكرها كوكب الشرق وانصـاف الليـال
لامست وجدان روحـي زمـان الطقطقـه
وعيشتني صوت فيروز في صبح الوصـال
فـي نسايمـه العليله..وشفـت الرقـرقـه
ويـن ودتنـي معاهـا؟ فكرهـا مايـطـال
في المسا..يحضر صباحي وصوت الشقشقه
والضحى يجعله وادي..بريقه في السـلال
يعكس نجـوم الليالـي ..وموتـي اشهقـه
وصف واديها...؟عساها تقـرب لـه مثـال
في سكونه يذبح الصمت صفيـر.. ونقنقـه
ارفعتنـي للسـواري تعلـيـت الـهـلال
وللبحر في ظرف لحظات حولـت اعمقـه
وردتنـي للمنيـه وانا(يـامـي) مـن آل
انشـدوا المظيـوم عنـا وضيقـات طرقـه
يوم ضاقت به وعن يام قـد شـد الرحـال
تحت جنح الليـل سـاري وذنبـه يلحقـه
وصله المندوب منا وحـن (قلـة رجـال)
مرخصيـن ارواحنـا لـه وربـي اعتقـه
ادري ان بعض السوالف تقال ولا تقال
العقل سندان شعري وقلبي المطرقة
مانويت بتالي العمـر فـي عشق(ن)هبـال
اتنشـد عـن وطنهـا ولا اعـرف مفرقـه
عارف(ن) وضعي ولكن انا عشقي المحال!
كل شي(ن) في حياتي محـال(ن) اعشقـه
في توالي عصير مالت..عليها الظـل مـال
في زهو..في كبر..غابت وشمسي مشرقـه
ليتهـا بقيـت محال(ن)..تداعـب للخيـال
وتسعفـه بفكارهـا فـي فضاها..تطلـقـه
كلن يقول انه في الشق العسر..
الله يمنها يالربع ..
والله ان في كل قبيلة حسبها..
ولا ينقص او يحتقر القبايل الاحقير اوناقص..
(وانا ما اقصد احد بهذا الكلام ولكن هذا قانون وكتبته للافادة )
وسلامتكم جميع..