[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياهجوس الشعر من عذب المثايل =عبّري والحق ماضيّع دليله
شاعر لا جا لبدع القاف قايل =مايجيب من القصيد إلا جزيله
والثقه متبادله والشك زايل = والكفو حقه علي أذكر جميله
بيض الله وجه كسّاب الجمايل = عدّ ماهل المطر وانشا مخيله
من عيال العود ماضين الفعايل =وقفته فالنايبه تسوى قبيله
من لفا حناش محمود الخصايل =تضحك الحجّان واليمنى طويله
سمعته معروفةٍ عند القبايل =بالوفاء والطيب مثنيٍ حصيله
يرتكي للكايده عزم وصمايل = في سبيل الخير مايذخر وسيله
كم سعى في فك عسرات الحبايل =وكم سجينٍ تابعه وأخلا سبيله
في مجال إصلاح ذات البين شايل = هم من ينصاه في يومه وليله
وإن بدى للمرجله والعز صايل =يكسب الناموس خيّال الكحيله
مع هل الطالات وعيال الحمايل =تنتخي به في المهمات الثقيله
دون ربعه مثل ضلع طويق هايل =في شموخه شوق ضافية الجديله
مكرم الضيفان من خير الفضايل =الشحم والطيب ودلالٍ اصيله
جعل يفدونه قليلين الحصايل = والردي واللاش والكف البخيله
أفتخر به وأمدحه والراس طايل =جعلني في الضيق مادوّر بديله

[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]