صلاح الله يكون في عونك .. عز الله انك تحمل صوت وهم المواطن في حلقات برنامجك المشهور و العين المسلطه على الأخطاء التي تقع في الدوائر التي تخدم المواطن ..
و الشئ الذي تحدثت عنه أخوي صلاح مهو جديد هذا للأسف قصه من قصص مآسوية تحدث لنا كل يوم في مطاراتنا ..
و الله اني وصلت باب الطائره في مطار الملك خالد الدولي و البوردنق معي ورجعوني قالوا للأسف الكراسي فل ..
و حجزوا لي على الرحله اللي بعدها و قصوا البوردنق لي و قالوا لاتزعل طالع طالع ان شاء الله .. و في الاخير شالوني بالباص لين وصلوني باب الطياره و يوم صلت الا باب الطياره يتقفل قالوا معليش الكراسي فل والطياره قفلت بابها .. تعال نرجع لك تذاكرك قلت الا فرقاكم عيد وربي ان طلعت من المطار وانا مستحقر كل من في المطار ..
لعنبوهم بفلوسنا يذلونا أجل لو ما حنا بحاجزين بفلوسنا والمنه لهم كان وش بيسوون فينا ..
اقسم بالله اني شفت ورع اسمري عمره في الــ ( 24) مؤظف انه يتلفظ على سودانيين بالفاظ ما تقبل من شخص فما بالك بمؤظف يمثل مؤسسه حكومية .. و في نفس الوقت أهان شائب سعودي كان يبي يسافر للطائف .. ما احترم شيب وجهه ..
لكن حسبنا الله ونعم الوكيل ..