رد : سبب كثرة عروض بيع الأراضي
اقتباس:
المشاركة الأصلية كتبت بواسطة راعي النوق
الله يعطيك العافية يابو فهد
العقار يمرض ولايموت أنا معك في هذا الكلام لكن في حدود المعقول يأخي أسعار الأراضي وصلت إلى أسعار مبالغ فيها ومن يشتري أرض بهذه الأسعار الا الهوامير طيب وعامة الناس على ماقالوا إخواني المصريين (( الغلابا)) لكن نقول ماطار طير الا وقع مهما كان الأمر يجيك يوم تختار فيه بيتك المفضل بالحي اللي يعجبك في حدود أربعمائة الف ريال والمعروف لك بعد الله يعجل به رحمة بالمساكين
ولعلمك شركات التاجير بالتمليك سوف تغرق السوق في وقت وجيز باذن الله وتشوف الأسعار من دون في دون
ولك مني أطيب الأمنيات
|
كل شيء متوفر وبالسعر اللي تبيه
تقدر تشتري أرض ب 20 ب 25 ب30 الى ماله حد
وتقدر تبني بيت ب200 الف الى ماله مدى
المهم القناعة
وعامة الناس يشرون ويبنون في أطراف المدن أو القرى المجاورة ولا أني أرهق نفسي بديون وقروض بنكية
أيضا لو بنيت بيتين متشابهه نفس المساحة ونفس التصميم ونفس مواد البناء
واحد عطيته مقاول يشتغل فيه على راحته والمواد عليه توفيرها بدون أشراف مباشر
والثاني تحت أشرافك المباشر ومراقبة دقيقة
ستجد أن البيت الأول أنجز مثلا بقيمة نهائية 700 الف ريال
والبيت الثاني ب 400 الف ريال وبجودة أكثر
فالمقاولين بعضهم شر وبلاء ويتلاعبون في توفير الكميات الزائدة عن حاجتهم وفي الفواتير