أدوّر الطيّب لو إنه فالأفلاج
السلام عليكم
مسيتم بالخير جميعا ً
والله يعطيكم العافيه على ماتقومون به
هذي اول مشاركه لي في هاذا الصرح العظيم واتمنى من الله ان تحوز على رضاكم
هذه قصيده للزميل الشاعر /محمد الطويرقي
وهو شاعر نظم ومحاوره في الطايف
ويلقب بالشبح
وهو مبتعث الآن لدراسة الماجستير خارج المملكة
[grade="0000FF 00008B"]
الله من قلب به الهم مدلاج = مايمسي إلا بين رمشي وعيني
همٍ يسبب لي مع الناس الإحراج = من كثر ماهو عايش ومحتويني
ماعاد لي مدخل ولامنه مخراج = وأحيان في بعض الكلام ايحديني
واخترت بيت الشعر لهمومي علاج = لأجل أرضي الواقع وأجامل سنيني
يابيت شعري ياسعد كل محتاج = يالطايع اللي لاطلبتك تجيني
أبيك تنقذني وأبى منك الإفراج = افرج عن اللي فالضماير سجيني
خذ كلمة مني مهي هرج هراج = كلمة تغيظ العالم الحاسديني
لاصرت أنا وارد على عد هداج = ومن صافي المعدود تغرف يديني
أدوّر الطيّب لو إنه فالأفلاج = وأبعد عن اللي مقفي ولايبيني
يالطيّب ياللي قربك أغلى من العاج = خل الحضور تعلم الغايبيني
كثر اتصالي لو يسبّب لك إزعاج = بقطع وصول الطيب بينك وبيني
[/grade]
هذه قصيده اخرى له تحكي حال المغترب عن اهله ووطنه
الهم يحملني على كف الأشواق = والدمع معلن هيبته وانتصاره
والعين من كثر المتاعب والإرهاق = حسيت فيها مثل قدح الشرارة
واحترت مابين المشاعر والأوراق = و أوصفت حالي في صريح العبارة
ماني كما اللي لاذكر غربته ضاق = ولاني كما اللي ضاع عمره خسارة
ولاني من اللي مذهبه طاق طرباق = يطرب على وسكي وحبة سيجارة
المرجلة رمز المكارم والأخلاق = والعلم تاريخ الأمم والحضارة
عن الوطن مبعد ومخلص ومشتاق = شوق الغريب اللي مفارق دياره