نفسي عزيزه
[poem=font="Simplified Arabic,5,blue,bold,normal" bkcolor="transparent" bkimage="backgrounds/19.gif" border="double,medium,gray" type=4 line=0 align=center use=ex num="0,black"]
ياهاجس الشعر يامبيـن علامتهـا=الضيقه الي بصدري وين اوديهـا
هاضت على القريحه بعد هاظتهـا=الحـون والله لايـجـزا مغنيـهـا
بلخير قلبي شكى وعيوني ابكتهـا=وجروحي المرمسه محـدٍ يداويهـا
اذاعت الحزن ماصكـت محطتهـا=وانا على نفس معناهـا باجاريهـا
اتعبت الفكار وافكـاري سياستهـا=ابين ارموزهـا وخفـي معانيهـا
واتعبت القـلام فصفحـه كتابتهـا=قصيـدةٍ بيـن كاتبهـا وقاريـهـا
قصيدةٍ من قراها شـاف زبدتهـا=يحتارمن شان حاضرها وماضيهـا
نقحتها واتعبتنـي فـي دراستهـا=تختـال قـدام لاكتبهـا واسميهـا
هاذا وعدها على الموعد وحزتهـا=ترا المراجـل صعيبـاتٍ مباديهـا
لولا المراجـل ومبداهـا ولذتهـا=والله ماسافر عن الديره واخليهـا
واتعب الرجـل راحتهـا وجيتهـا=عزالله اني بكثرالمشـي محفيهـا
مانيب احسـب لجيتهـا وراحتهـا=قلبي على قطعت الفرجه مجريهـا
والعيـن بنـوم ماتاخـذ كفايتهـا=كثر الهواجيس تتعبهـا وتشقيهـا
لنفس غايها وتتعب لجـل غايتهـا=باتعب واكافح ياليـن الله يسويهـا
نفسي عزيـزه ولا تختـل نيتهـا=وانا على القمـه العليـا مضريهـا
اردهـا بشيـم ماتبـع هوايتـهـا=وازعل وادور زعلها قبل مارضيها
واطلب من الي خلق كونه هدايتهـا=هو خالق الكون والدنيـا ومفنيهـا
دعواي بشهودهـا ثبـت حجتهـا=والحجه الـوارده يحتـار قاضيهـا
لي نظرتٍ والبشر تمشي بنظرتهـا=والناس تمشي ونظرتهـا تقديهـا
نـاسٍ تقبـل بحسنتهـا وسيتهـا=سياتها ماتقـارن مـع حسانيهـا
وناسٍ تريد المعاند ويش حضرتها=تبغا تكحـل نواضرهـا وتعميهـا
والي حياته قضاهـا ودهـا هتهـا=يمكن يسـرح رعيـه مايضويهـا
والـي يجمـع علومـه مايثبتهـا=يهدم بيوته على راسـه ويبنيهـا
والخوه الي على الضيعـه بنايتهـا=خوت ضعوف قريبـاتٍ هقاويهـا
والرفقه الي تجي هـاذي بدايتهـا=لاخير فيها ولاالـي يعتنـي فيهـا
تبدا وتمشي ويامسـرع نهايتهـا=للمصلحـه دور فولهـا وتاليـهـا
لابد ماتنتكس فـي الارض رايتهـا=والرفقه الضايعه مانـي براعيهـا
حتى ولو لمعـت بلكـذب بويتهـا=لابـد ماتنكشـف مهمـا تخفيهـا
حتيش لو جات فشاشـه دعايتهـا=بضاعتٍ خسر بايعهـا وشاريهـا
كوره ولاجات مشيوته هوا شتهـا=شتها على وجه ماخذها ومعطيهـا
احذر تثبت لاكن اذهـن وشتتهـا=لاتقول هاذي على شانك بامشيهـا
دنياك تصعب على العاقل حكايتهـا=ايام تسرحبهـا واليـال تسريهـا
من طب وسط البحور وشاف غبتها=خلا البواخر ترسي فـي موانيهـا [/poem]