البحر هايج وهمي واصل ٍ حده
والموج هاض المشاعر والتفاكيري
الين قمت اجزر الهاجوس وامده
واقزر الوقت بالاشعار تقزيري
يامل قلب ٍ همومه مالها صده
تقفي وتقبل مجاهيم ومغاتيري
اليا طرت لي هذيك اللي لها مده
متربي ٍ حبها من يوم انا اصغيري
اغيب عنها وقلبي ماهو بوده
مدري على وين ياوجهة مقاديري
الفكر مشغول والاعصاب منشده
لو انها حبت لها واحد ٍ غيري
للشاعر / نايف بن علي بن بلال,, وسلامتكم