%خـــــــذني بحضنك%
من جديدي وعساها ترقى لذائقتكم..
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يالغايبـه يالـي طريتـي عقـب ماغبتـي اسبـوع=جيتي تدكين الخفـوق الـي علـى بعـدك ضـرى
معـاد يوجعنـي الفـراق ولايحمسنـي الـرجـوع=ولعـاد تنفعنـي مشاريهـك وليلـن قـد ســرى
روحي فمان الماضيات مـن السنيـن الـي تـروع=روحي فمـان الحـب والذكـرى وطيفـك لاطـرى
انـا وقفـت وقفتـي تشبـه ليابـسـت الـجـذوع=اموت واقـف ماحـد عنـي وعـن جرحـي درى
والله ولـولا الله والشيـمـه وذربــات الطـبـوع=لااعلمـك شـي ً جهلتـه لانـدرس ولا انـقـرى
لكنـي احبـك وحبـك ساكنـن وسـط الضـلـوع=ماتدري انـك مـع كـرات الـدم ياخلـي خشـرى
تعـال ياريـح النفـل والـورد يالريـم القـطـوع=مراتعك في وسـط صـدرن مـن تجافيـك انفـرى
تعـال ولعنـي دفـا كـب الجفـا شـب الشمـوع=واشعـل قناديـل الوصـل تعـال ذوقنـي الكـرى
صحراء وصالك مجدبه وانا عليـك امـوت جـوع=والبعـد يوجـع والهـوى قتـال والجـاري جـرى
ارخيلي امزون الوصل في خايعـن منـك جـزوع=وخذني بحضنك من ظروف الوقت ومن عيش الزرى[/poem]
التعديل الأخير تم بواسطة عبدالله السحيمي ; 11-05-2009 الساعة 11:20 AM
سبب آخر: تنسيق النص