[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا ذيب لي صاحب وخاب الرجا فيه=انا احسب انه فوق واثر ه طماني
غرون صغير ن خالق الخلق معطيه=حسن ودلال ن ما عطي مودماني
ان جيت اوصف لك فلا اظن بوفيه=اتحير في في وصفه جميع المعاني
ابو جديل ن كنه الليل كاسيه =وله عين حر ن بالهدد صيرماني
عفرا كما لون القمر في لياليه=لا سمعت الهوبال جاها جناني
ياذيب لو اقدر على النجم واحصيه=احصيت وصف اللي بغنجه خذاني
وخلي على وضح النقا دوم هاويه= ماني وانا ابن مضيم راعي الهواني
واليوم كثر الحكي به والمشاريه=حكي ن كما الميسم بقلبي كواني
صديت عنهم ما ابغي اسمع ولا اوحيه=وانا احسب انه بالردا ما نواني
واقفوا وانا قلبي توارد بلاويه =مثل الطروش اللي لفو للسواني
وقررت ادور صاحبي اليوم واجيه=الصاحب اللي مسكنه بالمحاني
سقت الخطا صوبه ولا هبت حاميه=كله لعينا من هوها حواني
عجل ن مسيري والفكر منشغل فيه=واقول جعله كذب علم ن لفاني
ودقيت بابه صاح لي الجار ياهيه=جيراننا ساقو ضعنهم زماني
الجار شد وما عرف ويش باليه =ما هوب لا مجني ولا هوب جاني
واقفيت من بيته وعيني تراعيه =مدري انا في حلم ولا بياني
مثل اليتيم اللي فقد شوف واليه=توه صغير ن ما تعدا ثماني
ما عاد يدري وين هو راح مغليه=مغير ينشد كل قاصي وداني
ذي حالتي عقبه عسى الله يجازيه=اللي خذا قلبي وانا ما خذاني [/poem]

__________________