[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
واطيري اللي حوّلتـه المشابيـك = وأنته بعيد الحومـه أول وتالـي
مدري تواسيني أو أنـي أواسيـك = والكـل منّـا فاقـد ٍ روح غالـي
يفزّ قلبي كلّ ما أوحيـت طاريـك = خص ٍ ليا عدّوك روس الرجالـي
والله لبطي ما لقيت العوض فيـك = و والله لبطي وانت دايـم ببالـي
أقفيت عنك وخاطري مولع ٍ فيـك = ما كنّك إلاّ واحـد ٍ مـن عيالـي
تدري وش اللي عاضني منك وفيك = أنـي تركتـك للعزيـز الجلالـي[/poem]

وهذا ردي على لساني ولسان النداوي

.

[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أسمع يابو ثامر عسى الله يعافيك = وأفهم كلامي ياكريم السبالي
الطير لا زالت سبوقه بياديك =والحر مايخلف ظنون الرجالي
يكفخ بجنحانه وكنه يناديك =أطلق سبوقي وأنت راعي العوالي
بنيتني وأنا على أكمل مباديك =ولا أنزل إلا فوق روس الجبالي
ولا تحوّلني كبار الشرابيك=أرقاء وترقاء بي قروم العيالي
ماصر مني عوق والعلم يعنيك =وقّفتني بيديك وأزريت حالي
تبكي وأنا مثلك يابو ثامر ابكيك =وأدخل عليك تفكني من عقالي
الناس تغليني محبه وتغليك =وتصيح يارعي الوفاء والكمالي
شف ابن شايع من عنى البعد يدعيك =تكفى ترا زبح النداوي هبالي
ما تدريٍ فرقاء النشاما تهاليك =شتيت ياغالي شمل كل غالي
والله مالك حق نفدى مواطيك =يالقرم تكفى يابعيد المنالي
طالبك رجّعنا على العز ونجيك=نرجع كما كنا ويسترّ بالي[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]