بسم الله الرحمن الرحيم
قـلت اقـــربي وازخمه شسمعش لــو كلمه
كملي أصيح نفسي مــــن ذا المشبك كشمه
العمر يمضي وأنـــــــا متهوم بحبك تهمه
أمـــا بنعمة ربك الله ذكر فــــي امختمه
الله زادك فــي الحسن وليش تخفي النعمه
قصدي شمتع عيني بـــالله فــكي املثمه
قاللي رحلك عـــنـي استحه وهبلك حشمه
وتـــا الأمــــور بطلها لـمـا تروح الأزمه
انظر لسعر امبيضه مــعـــاد لسعر املحمه
بــرغـم ذلك والناس وكـل امقوات زحمه
وذا يكيف تـنـبــاك وذا يــــــــدور شمه
الحب يشتي راحـــه الحــب يشتي نسمه
واحنا فــــي حــاله صعبة ازمة وراها أزمه
البعض يــمشي حـافي ملقيش حق امجزمه
والبعض يروح الخارج لـــو كان عنده زكمه
يـاخوان مش معترضين على الإله والقسمه
لاشك ان الخالق لكل شــــــي لــه حكمه
لاكــن أخــي ياتاجر خلي في قلبك رحمه
غـــدا واشــــا متنوع وكــــل وجبه دسمه
واحـيـان تتـغـدى مـرات وكــل مره رزمه
مـــورمــــو كـامبورمي متقائسوا كــامبهمه
واملحم بـعـضه مشوي وشي مـرق فـي البرمه
وجــارك بجنبك طاوي ملقيش حـق امكدمه
اخــوك معاه فقر الدم وانت تعاني تخمه
عيونك تشوفه محتاج حــق امدوى واملقمه
مـــايسمعش منك إلا تفضلوا أي خـــدمه
تقولها بلسانـك وانت الحقيقه تمهمهمهمه
يلقاك مــثل امـجوال خارج نطاق الخدمه
امــعيد عندك افراح وهـــو تضاعف همه
بـدلات طفلك أنــواع وثوب طفله رمـــه