السلام عليكم ورحمة الله وبركاته
بما انها اول مشاركة ابي اسالكم ياجنب اذا تعرفون ذا الكلمات ولا مايستخدمها الا حنا؟
استلموو يارفاااقه
الثريد : مدري هو عوال الشايب الي في الجنوب يعرفونه ولا لا؟ الي انا خابر ان جماعتنا الجحادر أهل نجد يعرفون الثريده ويحبونها : )
الكثري : يوكل في رمضان واحلى من لبنة بينار : )
اللبااااا : يصنع من لبن الشاة الدافع او الي توها والد.
ودام : ويختلف عن المرق !!
شفره : سكين
.................................................. ...........
يابلفيت اني : مثل قولة :يعني اني
العنش : هاذي فاهمها بس منيب اعرف كيف افسرها هههه بعطيكم مثال وانتم بتفهمونها من سياق الكلام : العنش لاجااااك بخبيل بعد!! يعني : المصيبة لاجاك بخيل.
ياعوينه يناااه: ياقرد حظه
يابري حالي : تقال للشفقه على شيء
ياما لفرقى الخلا يااااااه : تقوله اذا طرا لك شيء ويعز عليك
الخلاااااااا : معناها الاصلي انقلع للخلا والبر بس تستخدم في الغالب بمعنى النفي او رفض الشيء.
حليت به : اذا جيت تبي تاخذ شي لنفسك من بد الناس الي معك.
لبى ماتعلق!! : هذي ماتقال الا للغالي : )
بالعويذا : اتوقع مايبيلها شرح.
يغبش
يسرح
تصدر يافلان : اجلس في مقمة المجلس.
هنهم ! : ردها وأنت منهم!
انطح فالك: نفس معنى الي فوقها
الفى : جاء
يتخطرى : اكيد مايبيلها شرح
يعرك : يعجن
طق : حط رجله
زبن: استلجأ عند احد
الماخوذ : هذي احلى كلمة مرت علي هههههه تقولها لاي شيء ماتعرفه : )
عنه : بفتح العين والنون (يعني شفه)
يحتري : يستنى
ملعون الكوثر : ما تنقال الا للردي.
ملعون الصلايب: نفس الي فوق
ملعون الجدف: نفس الي فوق
ملسن : يعني يعرف يتكلم وياخذ ويعطي في الكلام

الوكااااااااد ان لهجات البدو تزخر بالمعاني الجميلة وكلمات جلها فصيح في الاصل وحتى لو رجعت للمعاجم العربية لوجدتها كما هي بنفس المعنى لم تتغيرمثل قولنا أربك نجحت يافلان! لو ترجع للمعجم لوجدتها كالاتي : أَرَبٌ - [أ ر ب]. "حَقَّقَ أَرَبَهُ" : حَاجَتَهُ، أُمْنِيَّتَهُ.
فيا اخوان انا اقول ان الي يستحي من انه يتكلم بلهجته انا اقول انه ماهوب رجال ولاهوب اصيل ابدآآآ!!. وعنده عقدة نقص او انه شخص مريض.
بحفاظنا على لهجتنا وتراثنا والتفاخر به نكون قد حافظنا على تاريخ العرب واللغة العربية.
أخوكم... هاجـــري من صلب قحطــأن