[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياهاجسي لو صارت علوم وعـلـــوم = نفسي مــن الصكات ماهـيـب وجـلـــه
أحــط حملــي فوق الأمتان واقـــــوم = ورجلي على قطــع المسافات عجـلــه
مانيب مستغرب ولانـيـب مصـــدوم = والوضـع مايسـتـاهـل الحـزن لجـلــه
اللي حصل مقسوم ماهوب مقـسـوم = مادام سطح البيت حــط الــدرج لـــه
لولا غلا الــلي حـبـهـا دايـم الـــدوم = ماكان انا اللي ساق فالدرب رجـلـــه
صدرت من عد من الناس مزحــوم = يغـنـيـنـي الله مـنـك يانهـــر دجـلـــه
حتيش لو شاطيك نرجس ويشـمـوم = شاطـيـك يشـمـومــه يخالطه فجـلـــه
واللي يحـب خشــوم لمقابل خشــوم = قـلـه بطــي بيـمــوت مايـنـتهـج لـــه
نهج يجيب الشك والريب واللـــــوم = ومـن غـيـر ربه ماتحــرى الفرجـلـــه
وماهو لوجهه عند خلق الله يســـوم = وماكل هــراج هــرجـلــه هــرجـلـــه
أبوي وصاني وانا عشت محشــوم = وإنكانـــي خالـفــت مانـيـــب نجــلــــه
ياللي تقــول ان السما مابه نجــــوم = نفسك مـن اللــي قـلت ماهـيـب خجلـه
انشد شيوخ القوم عن منزل القـوم= لاتنـشــد الدجـال عن صــدق دجـلــــه
ودامك تقول شعـيـل بالوسم موسـوم = فــوق السنــام آقول ويش تهـرج لـــه
من طاح بين القوم ماهوب مرحوم= وبعض العرب علمه يجيب الحرج لــه
لكن رد العلـــم للفـــرس والـــروم = الضلــع ذيـبــــه مايسـاوى وعـجــلـــه
والادمي لو يحكم يعـيـش محكــوم = ومن حاكمه مضمــون قوته وأجـلــه
وكانك تقول ان السماء مابه نجوم = منجــوم والمنجــوم ويش ايهــرج له[/poem]