حضور أول ونسقوه مع الأسف
عودٍ حدر من الجنوب يتنزه=شامخ وجا حادر يبي طيب منزال
شيخٍ وشاخ بنجد كلٍ يعزه=فعايل عياله به الضد يهتال
العود الأول راح وقته يقزه=يكتب بها تاريخ تقراه الأجيال
عودٍ عروقه بالفعايل تعزه=خلاني أرقص بالتماثيل واختاال
هذاك يوم الخيل كزه ودزه=نوادره راحت معه طيب الأفعال
واليوم وقت عمير منهو يلزه=حطًم بيارق بالجزيره بمنوال
شيخٍ عن دروب الخطايا منزه=ترفع له البيضاء على كل ماطال
لبست جوخك يابيض الوجه بزه=الله يعزك عز يا طيًب الفال
فزت وعليت بعالي العز عزه=لنك وطيت ريال محسوب رجال
كرامتك عندي على كل حزه=لو كان صندوق الحشى فيه موال
يابو فهد ماجيت بحرفي أكزه=جيتك وانا قافي على عالي الجال