المشاركة الأصلية كتبت بواسطة راشد الراشد

[poem=font="Simplified Arabic,4,black,bold,normal" bkcolor="transparent" bkimage="backgrounds/8.gif" border="groove,thin,black" type=4 line=0 align=center use=ex num="0,black"]

الصبر ثم الصبر ثم الصبر=والقناعة ساس مبناك يالحر النزيه
والشحيح الي يحب المال ويخاف الفقر=يابس وجهه من الشح لا تزبن عليه
دور الي يرتكي للحمل ليمنه كبر=رابي في بيت عود على الطيب يحديه
العطاء راعيه في خير محمود الذكر=كاسب رضوان ربه ومرضي والديه
من شرى الناموس والعز حاشا ماخسر=والخساره راعي الناموس ما تطري عليه
الخسارة يوم قفى العمريا ماغلى العمر=حارم نفسك مناها على شان الجنيه
والخسارة يوم لاح الطيب في يوم غبر=ردتك نفسك ورديت طلقين الوجيه
والخسارة لا شكى الوافين من جور الدهر=ثم تقصاهم على شان دين تقتضيه
والخسارة ليمن المعروف من عندك عبر=ثم خليته ولا اصخيت مالك تشتريه
والخسارة ليمن الرجال في حقك عثر=وانثنى يستسمحك قمت تتكبر عليه
والخسارة ليه يالملدوغ ما تاخذ عبر=ليه ترجع في مناحيك يالفطن النبيه
والخسارة يوم ترجي من الحنظل تمر=خاسر يا زارع الطيب في الوجه الكريه
والخسارة يوم تغتر في وافي شبر=ماجهلك يا حايف الصقر تبغى تشتويه
والخسارة يوم تهوى معاليقك بشر=ويوم دار الوقت قفى وعادك تحتريه
والخسارة ليمن الروض جيلانه خضر=ما اغتنمته يالسنافي وقيضك مقتفيه
والخسارة يوم يقضى العمر ما بين الجفر=والمعالي ينتظرها العي يبغاها تجيه
والخسارة تهمل التاديب في وقت الصغر=ويوم خابت هقوتك قلت خالك فيه فيه
والخسارة يوم ترحل ولا بقيت اثر=والهداني من قديم الوقت ما يبكى عليه
























[/poem]