[poem=font="Simplified Arabic,4,darkblue,bold,normal" bkcolor="transparent" bkimage="" border="double,medium,gray" type=1 line=0 align=center use=ex num="0,black"]

ياراكب اللي تقول ايكفف اشناقه=حواف قوم علــــى مهجادهم ناوي
ابيض وخطوط الوكاله فيه لهاقه=إليا اعترض كنها تنعومة الناوي
حـر تعرض لكدر باول اطــلاقـه=وقــبلـه مــذيـرهــن الـشبوط والواوي
وكـن اخـتفاقه مـع الـجـويان وادعـاقه=ادعـاق ذيـب يدور غرة الشاوي
لافات ثـلـثين لـيلـه قـام ســواقـه=أول نسيم الصباح وخط صحراوي
الـليل ومـخافـت الهـوج وتـونداقه=ونـفـث المـحـرك تـقول قراية مداوي
يسلي ضمير مزاجه صفط أوراقه=عن خدمة البهلوى مع كل بهلاوي
ما عاد له في هزيج المجتمع فاقه=ومغلط الصح ومصحح على الغاوي
اما غزتني محاباته وزنداقه=ولا كسب لي مواجه كله هذراوي
ما فيه داعي ندور كرسي حلاقه=ولا جماهير لا هلالي ونصراوي
الماجدة في إناء ماله طباقه=أظن ما يمها متمع هاوي
لا صار ما به عسل سدر ولبن ناقه=أظن ما يبرد كبد المحتمي كاوي
فطوره بجاش كان الله ما عاقه =في مجلس للخصال الطيبة حاوي
لا شق جنح الظلام الصبح باشراقه=وفوق الشفق شفت قرص الشمس متساوي
أقلط بقصر له الضيفان تواقه =احد من ضيوفه مصبح واحد ضاوي
قصر جعفر بن جمل بن شري واشقاقه=قصر يذري ذراه ويهجي الطاوي
به مجلس فيه نار السمر شعاقه =وفواصل البن الأشقر وازرق الجاوي
النعم والبيض له في كل شوهاقه=والصدق ماله نطيح ولا له مقاوي
مطلق عمس خطر الضيفان با خلاقه=وجه التقي الرضي المفتي الراوي
كان النعم تربطه لاصحابه علاقه=عند جعفر ذابح الغرم ومخاوي
وبنات فكري تعشق الطيب عشاقه=الله يصح الصحيح ويغوي الغاوي
شرهات الأمجاد في طاريه منساقه=الامداح هويانة مدحه وانا هاوي
شره الروابع على الامداح سباقه=ولا ضعاف الروابع نجمها هاوي[/poem]