(( مادام اعز الناس عن عرفة اشوم ))
[poem=font="Arial,5,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
يالله عسى ماني عن ارضاك محروم=ياهادي (ن) عبدك سواء السبيلي
المسلم اللي عن معاصيك معصوم=يسعد ويأمن حدر ضلا ضليلي
ابليس واهوا النفس للادمي قوم=ولايصد القوم رجل (ن) ذليلي
مادام اعز الناس عن عرفة اشوم=لاشفت زلاته عليه تميلي
وشلون ماستقعد ونا اطيح واقوم=واتبع شفوف (ن) خيرها مستحيلي
نور النهار وظلمة الليل في يوم=والفرق واضح بين يومي وليلي
زاد الملذة في هوا النفس مسموم=وزاد التقى بلسم جروح العليلي
ولادمي لو عاش يعني كم ايدوم=سبعين عام ان كان عمره طويلي
ومن عاش يطردله وراء اوهام وحلوم=تطوى سجلاته وحمله ثقيلي
دام الجل محتوم والرزق مقسوم=والله هو المعطي كثير اوقليلي
ماينهزم للنفس يكون مهزوم=ازهد بدنيا ماوراها حصيلي
فياالله ياللي لجلك انحج وانصوم=تعينني لرضاك واشد حيلي[/poem]