أتمنى النوم......لجل اشوفك؟؟؟
أتمنى النوم في ليلـي يجينـي
لاجل أشوفك حلم في ساعة غفا
واروي عيوني بشوفك ياضنيني
و الفؤاد يحـس قربـك بالدفـا
و اشعر ان الكون ملك في يديني
لا تلاقينا عقـب طـول الجفـا
يرتعش قلبي لك بلهفة حنينـي
و المشاعر فيضها حب و وفـا
و الغلا لك ترسمه نظرت عيني
كل نظره لـك تبيـن مـا خفـا
لك تقول إن انت مستقبل سنيني
و انت امل يكبر مع ايام الصفـا
يا سحاب في سما عمري يبيني
من متى غيثك لزرعي مـا لفـا
احتري بالحلـم يمنـك تجينـي
شوفتك بالحلم لـو لحظـة كفـا