رد : سلام يا بنت السعودي ترليون
صح بدنك جعلني مابكيك و ماعليك زود يالاجودي الاصيل ابن الاصايل ،،
هذا حق بناتنا وامهاتنا واخواتنا بنات الرجال علينا ،، واما ياسر التويجري ونايف ابن عرويل خنزوها الله يسامحهم بكلام ٍ قالوه في قصايدهم ماله لزوم ولاهو بعلى وجهه ، خلوا قضية قيادة المرأة اسبابها جابوها من روسهم كلها باطلة ولا تمت للحقايق والواقع بصلة .. ، الاول يقول " ابك ذولا مجرمين وعالم ٍ منجنــّه ** عشقهم لحم الجمال وطبخة الضباني " وهو والله ما صدق لا حنا متربين على الجرايم ولا باقصى عشقنا الطبخ والضبان ، الا عشقنا الشرف والمراجل ونحمى العرض ونرفا الخله مير ويش درّى ياسر الله يصلح الحال ، ونايف الله يهديه قام يصوّر بنات السعودية للاجناب انهم سفيهات سامجات داجات ،، وهم والله اللي يربون الرجال ابنا الرجال ولا بعد خبرنا في بنات العالم كله من تسوى مواطيهم وهم عندنا في الحفظ والصون ،،
وكانت قصيدتي هذي رد على ادّعاءاتهم الباطلة لاني الحقيقة اغتضت من هذا الزعم الفاشل. واحد يقول اننا على الاجرام والجنون والآخر يقول يصوّر بناتنا انهم ضايعات على البلوت وبيجلسون على خشوم المواتر ولا صدق ماغير يصوّر سيناريوهات من خياله ماله بالواقع أي صلة.
شرّفني مرورك يا بعدي وجعلك ذخر لا خلا ولا عدم واشكرك جزيل الشكر على الاشادة والاطراء جعلني ماعدمك يابن ابوي ...
مع المحبة/
ذيب قحطان/ عاشق ربعه
بندر ابن هضبان
التعديل الأخير تم بواسطة عاشق ربعه ; 31-10-2008 الساعة 06:02 AM