السلام عليكم ..




صدى لصوت اخي ثابت بن التوم ..


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]

قال اللحافي يوم له هاجس مصيب=حامي بحامي مايحب التراكم
ردة وفا ياأهل الوفا والأصاحيب=ياللي عيوني عالعوالي تراكم
يامرحبا ترحيب يرقا المراقيب=بالإنجليزي جمع يعرب ؟ : (ولاكم)
ياأهل الطلاقه واهل روسٍ مصاليب=اللي على الرفقه مثبت ولاكم
آل الجحل شد ومحل طيب في طيب=ماحدن بطيبه ياربوعي علاكم
ياأهل الكرم يامدسمين الأشانيب=اليا فعلتوا مانشدتوا على كم ؟
مانتو تحبون الغوا والأكاذيب=وإقبالكم بيّن مزايا نواكم
خويكم يلقى المعزه بلا ريب=وياويل من هو بالمكيده نواكم
ياثابت ابن التوم يامجنّب العيب=حنا لفيناكم .. وأجبنا دعاكم
نعني لكم لوحن على الفطّر الشيب=والله يرزقنا بصادق دعاكم
خوينا محمد جمايله ماهيب=تخفا على الأجواد .. ماأطلق نماكم
ينمي مزاريع الجمايل ولا يخيب=وياحليل زرع سعيد اللي نما كم ؟
الله يجملنا ابرفاقه واجانيب =والله يدمح في خطانا وخطاكم
وراس الغلا مابيننا ماهو إيشيب=والله يسددها خطانا وخطاكم[/poem]

__________________

لسماع قصائد الشاعر : سعيد بن مانع
اضغط هنا