[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بعد ماسرى البارق وفكري معه رحال=تولع به الهاجس وقلبي تسلابه
صدى ماضي الذكرى على خاطري مازال=يداعب خيالي ون طرى يشعب اركابه
مقام اللوفا ومجالسة طييبين الفال=تراها تزيد العمر والطيب نشقابه
سواليفهم فيها نوادر حكم وامثال=ومنها اقتبس علم الرجاجيل طلابه
تراحيب شبة نار علم(ن)وصف ادلال=وكيف النشاما يجلي عماس شرابه
تدور الدلال وساعة البسط سجة بال=وكل (ن)يكن الطيب والقدر لاصحابه
معا العود الازرق كيف حالك وطاب الحال=على مجلس(ن)راعيه يضحك لك احجابه
شيمهم تشوم امن النميمه وقيل وقال=ولا للردا والزور طاري ولا جابه
نقا الصدق مبدا والصراحه لهم مدهال=ورسول الهدايه حسن الاخلاق وصابه
وهذي علوم الطيب ولا الردي ماطال=عديم المروه طبعهم ماتحلابه
ومن عادته مافارق مجالسة لنذال=لهم مجلس مايربح اللي تهقوابه
سوالف رذيله والنميمه لها شيال=وكم عرض مستور قفاه وتحاكابه
ردي (ن)هل الشيمه يعدونه الفنجال=بخيل شحيح(ن) ضيفه امسا ورا بابه
صحيح ان جليس السو ما ينحسب رجال=وكل على طبعه وساسه ومرتابه[/poem]



سعيد ابوديـــــــــــــــــــه